4. & 5. Mee 2024
zu Neimënster
den 4. a 5. Mee zu Neimënster
Kannerfestival, den 4. a 5. Mee, vun 10 bis 18 Auer
A 74 Ateliere kënnt Dir mat Äre Kanner spillen, kreéieren, entdecken, fuerschen an Iech esou op eng lëschteg a spilleresch Aart a Weis mat den Handlungsfelder vun der non-formaler Bildung vertraut maachen, déi an de Crèchen, Maison-relaisen, Foyeren, d'Dageselteren an Minicrèchë applizéiert ginn.
Stänn & Workshops
Fräispill a Léieren
"D’ Spill ass déi héchste Form vun der Fuerschung." Albert Einstein
Op eisem Stand an der Agora fannt Dir eraus firwat d’ Spillen esou wichteg fir d’ Kand ass. Dir kënnt och dëse wichtegen Léierprozess erfuerschen an doriwwer austauschen.
Mir begleeden Iech duerch eis Ariichtungen déi un d’ Kanner ugepasst sinn, a weisen Iech d’ pädagogescht Material. Dir kënnt d’ Begeeschterung vun de Kanner op eisem Spillstand entdecken, erfuerschen, an deelen.
Fir Kanner vu 0 bis 12
Mat Liicht a Schiet experimentéieren
An engem Sall nieft eisem Stand an der Agora, invitéiere mir Iech mat Äre Kanner mat verschiddenen “aussergewéinlechen” Materialien aus dem Centre Formida vun arcus a.s.b.l. spillen ze kommen, mat Liicht a Schiet ze experimentéieren an déi ästhetesch Bezéiung déi dorauser entsteet ze erliewen.
Fir Kanner vu 3 bis 12
Samschdes, vun 10 bis 13 Auer 30 : Loosst eis kreativ sinn !
Mir wëllen eis Kreativitéit ausdrécken, an eis vun deem wat d’ Natur ze bidden huet, inspiréiere loossen. An eisem Atelier kënnen d’ Kanner an hir Elteren hirem Sënn fir Ästheetik nogoen an d’ Material wat hinnen zur Verfügung steet, esou benotzen wéi se wëllen.
Fir Kanner vun 2 bis 12
Samschdes, vun 10 bis 13 Auer 30 : Mir wëllen eis ausdrécken!
Emotiounen ginn ausgeléist, sief et duerch eng Geschicht, ee Buch, Poppen asw... Wat genau zu dësem Moment geschitt fanne mir dann eraus, a kënnen déi Gefiller mat aneren deelen. E gesellege Moment wou mir eis géigesäiteg kënne kenneléieren.
Fir Kanner vun 0 bis 12
Samschdes, vun 13 Auer 30 bis 18 Auer: Looss denger Fantasie fräie Laf!
Du kanns denger Kreativitéit nogoen, andeems du e vergänglecht Konschtwierk mat Materialien déi dir zur Verfügung stinn, bastels.
Fir Kanner vun 2 bis 12
Samschdes, vun 13 Auer 30 bis 18 Auer: Sech mat aner Sproochen familiariséieren.
Loosst Iech op eng spilleresch Manéier vu Buschtawen déi mat Alldagsgéigestänn associéiert ginn, leeden. Eng gutt Geleeënheet fir sech mat aner Sproochen ze familiariséieren.
Fir Kanner vun 2 bis 12
Sonndes, vun 10 bis 13 Auer 30 : Wéi géif meng Marionette ausgesinn?
Mam Bläistëft, mat der Schéier a Pabeier stellen mir fir wéi meng Schied-Marionette géif ausgesinn. Ass et eng Figur, en Objet oder villäicht e Monster? Dat decidéieren ech a loosse menger Fantasie a Kreativitéit fräie Laf.
Fir Kanner vun 4 bis 12
Sonndes, vun 10 bis 13 Auer 30 : Meng Schied-Marionette trëtt op !
Wann ech meng Schied-Marionette gebastelt hunn, kann si an engem Theaterstéck optrieden, zesumme mat mir a menge neie Frënn an hire Poppen.
Fir Kanner vun 2 bis 12
Sonndes, um 11 Auer 30 : Kamishibai
Eng Geschicht gëtt gläichzäiteg op franséisch a portugisesch erzielt.
Fir Kanner vun 2 bis 12
Sonndes, vun 10 bis 13 Auer 30 : D’ Kanner sollen hirer Fantasie fräie Laf loossen.
Si kënnen mat Materialien déi se inspiréieren hir Fantasie ausdrécken, an onendlech vill Saache bastelen oder aneschters gestalten.
Fir Kanner vun 2 bis 12
Sonndes, vun 13.30 bis 18 Auer : Liicht, Geschichten a Kannertheater.
Kéinte mir mat der Hëllef vum Liicht, vu Geschichten oder duerch ee Kannertheater eng Rees duerch fantastesch Welten ënnerhuelen?
Fir Kanner vun 2 bis 12
4 workshops
Naturspillplaatz
D’ Ekipp "Natur erliewen" guidéiert Kanner- an Jugendgruppen duerch d’ faszinéierend Schéinheet an d' Villfalt vun eiser Natur an eiser Ëmwelt.
Et geet drëm, d’ Natur an d’ Ëmwelt zesummen an der Grupp ze erliewen, ze begräifen an aktiv kënnen ze ginn.
Bei eis um Stand dierfen d’ Kanner kreativ ginn an mat ënnerschiddlechem Naturmaterial hier eegen kleng Welt opbauen.
Kanner vun 3 bis 12
Balance
Mir bidden d' Méiglechkeet, op verschiddene Sportgeräter ze spillen an doduerch säi Gläichgewiichtsënn an Koordinatiounsfäegkeet ofwiesslungsräich a mat Spaass op d' Prouf ze stellen.
Kanner vu 4 bis 12
Stop Motion + Filmtricks
Medien erliewen- Mediafactory
An dësem Atelier kënnen Participanten mat der Stop Motion Technik experimentéieren an an d'Welt vun de Filmtricks andauchen.
Kanner vu 5 bis 12
Geschiicht vun der Arche Noah
Déi upgecycelt selwer produzéiert Déiere ginn benotzt fir mat Kanner iwwer d'Zesummenliewen an enger diverser Gesellschaft an Diskriminéierung ze schwätzen.
All Déier ass eenzegarteg an huet ennerschiddlech Besoinen an Talenter oder Eegenschaften, déi eis als Menschen net gefaalen. Séi sinn awer all glaichwerteg. Den Hond ass e treie Frend vum Mensch a secher méi bléieft wéi eng Spann, déi awer och eng wechteg Roll am à–kosystem huet. Vun den Déieren kann den Transfer op d'Menschen gemacht ginn mat hieren ennerschiddlechen Eegenschaften. Ass do een méi wäert, wéi deen aaneren? D'Kanner kënnen sech der Fro iwwer folgend Froen unnäheren:
Bspw. Wann du derfst decidéieren, gett et Déiern, déis du geings mat op eng Arché huelen oder Déieren, déi du net geings mathuelen?
Kanner vu 4 bis 12
5 workshops
Samschdeg a Sonndeg 11:00 – 12:00 Auer : "Ech erfannen an zeechnen eng Figur", mam Illustrator Andy Genen
Fir Kanner vun 8 bis 12 Joer
Zwou Seancen vun respektiv 30 Minuten.
Workshop op Lëtzebuergesch, Franséisch, Däitsch, Englesch.
D’Zuel vun de Plazen ass op 15 Kanner limitéiert pro Seance.
Kreatioun vun enger Figur.
D’Kanner léieren, selwer eng Figur ze kreéieren a se ze zeechnen.
Samschdeg a Sonndeg 12:00 – 13:00 Auer : "Komm a mol däi Bamhaus mam Sasha und Flint", mat der Illustratorin Sandra Martins
D’Kanner zeechnen a molen hir Versioun vum engem Bamhaus mat engem Element (eng Fënster) dat virgemoolt an erausgeschnidden ass.
D’Zuel vun de Plazen ass op 15 Kanner limitéiert.
Fir Kanner vu 4 bis 8 Joer
Samschdeg a Sonndeg 13:00 - 14:00 Auer: FUNdamentals Team Lëtzebuerg – "Eng Beweegungsgeschicht fir Kanner"
Eng Beweegungsgeschicht déi als Zil huet déi motoresch Entwécklung vum Kand ze fërderen.
Fir Kanner vu 6 bis 12 Joer
Samschdeg a Sonndeg 14:00 - 15:00 Auer: "Verdruddelt" an "Zerknujelt" Geschichten : Liesung vum Auteur Marc Weydert
Emotiounen a sozial Bezéiungen Kreativitéit, Konscht & Ästheetik Sprooch, Kommunikatioun a Medien Wäerter, Participatioun & DemokratieSamschdeg a Sonndeg 15:00 - 17:00 Auer: Méisproocheg Liesungen, Atelieren a Kamishibai organiséiert vun Il était une fois... asbl.
Klickt wgl. op d’ Nummer 5 fir eng Beschreiwung vun hirem Programm.
Saturday 4 May, from 3 p.m. up to 3.40 p.m. : Interactive storytime session for children (3+) in English
Interactive storytime session for children
From 3 p.m. up to 3.40 p.m.
Age: 3 years old and plus
Language : English
Workshop run by Fiona
"What stories will we find in the magic bag today? Come and read a selection of classic English stories. Discover some rhymes, lift some flaps and dive into a world of stories. Will we read? Will we sing? It depends what you pull out of the bag!"
Sabato 4 maggio dalle 15.45 alle 16.25 : Laboratorio interrativo per bambini (3+) in italiano condoto da Giusy
Laboratorio interrativo per bambini (3+) condoto da Giusy
Lingua: italiano
Libro: cosa fanno i dinosauri quando è ora dei capricci?
Autore Yolen
Samedi 4 mai de 16h30 à 17h00 : Atelier Kamishibaï en français pour enfants pour enfants (2 ans et plus) animé par Éric
Atelier Kamishibaï en français pour enfants
Langue: français
Animateur: Éric
Zébulon le dragon
A l'école des dragons, Zébulon est l'élève le plus enthousiaste. Mais aussi... le moins habile. Réussira-t-il à capturer une princesse ? Une école pas comme les autres, un dragon pas comme les autres.
Histoire écrite par Julia Donaldson et illustrée par Axel Scheffler.
Dimanche 5 mai de 15h à 15h40 : Workshop de leitura interativa para crianças liderada por Catarina
Workshop de leitura interativa para crianças liderada por Catarina
Idade de leitura: a partir dos 3 anos.
Língua: Português
4 histoires en chanson
Dimanche 5 mai de 15h45 à 16h25 : Taller en español para niños en español dirigida por Almudena ( 3 años +)
Taller gratuito en español para niños dirigida por Almudena ( 3 años +)
Dimanche 4 mai
Heure : De 15h45 à 16h25
Langue espagnole
Plusieurs histoires ou chansons tirées au sort
La leyenda del maíz; Leyenda del hilo rojo del destino; Kamshout y el otoño; Leyenda del Olentzero; Leyenda de la yerba mate; El Caleuche ...
Dimanche 5 mai de 16h30 à 17h : Atelier Kamishibaï en langue luxembourgeoise
Atelier Kamishibaï en langue luxembourgeoise
Musikalesch Fréifërderung
Eis jonk Museker kréien d’ Geleeënheet am Rhythmus ze trommelen, Musek nozelauschteren, mat Instrumenter ëmzegoen oder an engem klengen Orchester matzespillen. D’ Elteren kënnen hir Kanner bei dëser spillerescher an räichhalteger Aktivitéit begleeden.
Fir Kanner vun 3 bis 6
Spektakel "Den Delfin"
Gitt mat der Kapitänin Abigaëlle an mat hirem Equipage op e groussaartegt Abenteuer: Geléngt et hinnen, trotz Stuerm an Dréchent, ouni Verletzung zeréck op den Hafen ze kommen.
Fir Kanner vu 4 bis 10
Spektakel "Dänzerin"
De Riddo fält an d’ Calypso, eis Dänzerin, ass traureg. Sie well net dass d’ Opféierung ophält. Also mécht si sech op d’ Sich no einfache Glécksmomenter. Ween hëlleft hir bei dëser Sich?
Fir Kanner vu 4 bis 10
Erzielung "Déi mat Schnéi bedeckte Felder vun der Prinzessin Skadi"
Obschonn hie vun de Wikinger ugegraff gëtt a Libeskummer huet, beweist de Kinnek Armandino dass hie vill Mutt a Courage huet, an alles mëscht fir seng Glécksphilosophie oprechtzeerhalen!
Fir Kanner vu 7 bis 12
Danz atelier
Danzen op eng spilleresch Manéier léieren.
Fir Kanner vun 3 bis 7
5 workshops
Stroossespiller
Wie ka Seelsprangen, kennt Gummitwistspréng, ka Sprangkëschte opmolen a sprangen?
ab 6 Joer
Bëschspiller
Wie spillt gär mat Naturmaterial am Bësch? Wien traut sech iwwert e Stamm ze balancéieren an iwwert e Floss ze sprangen?
ab 3 Joer
Rollespiller
Wien huet de Courage bei engem Spill mat aneren eng aner Roll unzehuelen? Grouss sinn? Kleng sinn? Streng, nobel, cool!?
Vu 6 bis 12 Joer
Spillangeboter mat natierlechen Materialien an Géigestänn aus dem Alldag
Wie wëll mat ongewéinlechem Besteck Materialien gräifen, opfëllen, ëmfëllen, géissen, op engem Läffel balanceieren a seng Geschécklechkeet testen?
Vun 3 bis 10 Joer
Walking act
Ganz niewebäi an tëschenduerch erschéngt déi ongewéinlech Fra Dr. Winnipott mat hirem Kand Coco a stellt mat hirem Optrëtt dat ganzt Dosinn a Fro…
Vu 0 biss 99 Joer
2 workshops
Samschden, den 4. Mee : Museksatelier
Kreatiivt Fuerschen an Gestalten mat ënnerschiddleche Museksinstrumenter, Téin a Lidder.
ab 3 Joer a bis 12 Joer
Sonnden, den 5. Mee : D'Aarbecht a pedagogeschen Atelieren
Zwee Beispiller weisen d'Aarbecht a pedagogeschen Atelieren : Mini-Buergbrennen an Specksteenatelier.
vun 4 bis 12 Joer
Lies an entdeck d’Emotiounen
De Bibliobus mécht seng Diere grouss op an e gemittleche Beräich ass virum Bus amenagéiert. Ganz extra Bicher zum Thema Emotioune stinn dës Kéier am Vierdergrond. D’Kanner kënnen sech Bicher eraussichen an déi „liesen an entdecken“ esou vill an esou laang wéi se grad Loscht hunn. Duerch Biller entdecken an erkennen d’Kanner verschidden Emotiounen an flott Schwätzgeleeënheeten entstinn.
Kënschtleresch Emotiounen
Den Atelier „Kënschtleresch Emotiounen“ bitt eng Méiglechkeet fir Kleng a Grouss sech mam Thema Emotioune spilleresch auserneen ze setzen. Getrennt duerch eng Plexiglasplaque miimt eng Persoun verschidden Emotiounen no an déi aner Persoun kann dës da mat verschiddene Faarwen nomolen an sech kreativ ausliewen. D’Kanner awer och déi Erwuesse kënne verschidde Gefiller erkennen a benennen. Sou vielfälteg wéi d’Mënsche sinn, sinn och d‘Ausdreck vun hieren Emotiounen.
Eng Emotioun – Vill Gesichter
Eng Emotioun – Vill Gesichter
Si Gefiller wéi Freed, Angscht, Trauer oder Virwëlz siichtbar a kann een des op enger Foto fest halen? An eisem Fotosatelier sollen d'Kanner op eng spilleresch an interaktiv Manéier verschidde Gefillsausdréck erkennen an ausdrécke leieren. Si kënnen sech verschidden, op enger Tafel bildlech duergestallten Emotiounen auswielen an des fir eng Foto selwer spigele bzw. ausdrécken. E Challenge fir déi méi al Kanner ass de Rôle vum Regisseur, wou si aner Kanner oder hirer Begleedung déi richteg Uweisunge ginn, wéi si ausgewielten Emotioun duerstelle sollen.
2 workshops
City builders
Wie gesäit deng Dramstad aus? Wat géifs du do gäre fannen? Langweils du dech heiansdo an der Stad? Wat géifs du un denger Stad änneren?
Kanner kënnen hir eegen imaginär Stad bauen, andeem si e Modell erstellen an hirer Fantasie fräie Laf loossen!
Ee Raum wou alles méiglech ass, wou op all Kräizung gespillt gëtt.
Keng Erklärung ass néideg, nëmmen d’ Flucht an d’ Fantasie, an dat fir all Alter.
Fir d’ Maquette ze bauen stinn de Kanner all méiglech Materialien zur Verfügung.
Loosst ärer Fantasie fräie Laf!
Bauen – eng spilleresch Affär! Jiddereen deen matmëscht ass e Gewënner.
Fir Kanner vu 4 bis 12
Let's chill!
Sidd dir midd vum ville Bauen? Dir kënnt iech an eiser Chill-Eck entspanen an dobäi méi iwwert eis Stad an d’ Geheimnisser vun hiren Haaptattraktiounen erausfannen. Verschidden Quizfroen, déi fir all Altersgruppen gëeegent sinn, lueden d’ Kanner dozou dësen Challenge unzehuelen.
Bicher a Fotoen stinn hinnen zu Verfügung, fir hinnen ze hëllefen d’ Äntwerten op d’ Rätselen ze fannen.
Léieren eng spilleresch Affär! All déi di matmaachen sinn Gewënner.
Fir Kanner vu 4 bis 12
3 workshops
Eltereforum Photobooth
D’Elteren an hir Kanner kënne sech zesumme fotograféiere loossen. D’Foto gëtt op der Plaz erausgedréckt.
Kreativitéit, Konscht & Ästheetik Sprooch, Kommunikatioun a MedienZesumme liesen, gestalten an nolauschteren
An eisem Workshop "Zesumme liesen, gestalten an nolauschteren" léieren d’ Elteren an hir Kanner d’ Konscht vum Erzielen. Mir bréngen eng Selektioun vu Bicher déi op verschidden Aart a Weisen, mat oder ouni Material, kënnen erzielt ginn. Géif dir gären Geschichten erfannen? Da bréngt är Iddien an mir probéieren se zesummen ëmzesetzen.
Den Lies Workshop fënnt de Samschden um 14:30 und 15:30 Uhr statt.
Mat der Famill spillen
D’Elteren an hir Kanner wäerten Spiller entdecken, déi ouni Material kenne gespillt ginn a wou d’ Elteren an d’ Kanner eng aktiv Roll kënnen iwwerhuelen. Dës Spiller kënnen souwuel doheem wéi wärend de Vakanzen oder bei laangen Reesen agesat ginn.
3 workshops
Ernärung: Eng Expeditioun fir all d’ Sënner
An dësem interaktiven Workshop stinn d'Sënner am Mëttelpunkt: Richen, Fillen, Lauschteren, Schmaachen a Kucken. D'Kanner erfuersche verschidden Uebstzorten a Gewierzer fir hier Sënner besser kennenzeléieren z.B. Texture fillen, Doft richen, Kläng lauschteren a Goûte schmaachen. D'Villfalt vun dëse Sënneserfarungen reegt hier Virwëtzegkeet a Kreativitéit un a motivéiert si mat dëse Materialien ze experimentéieren. Dofir kennen d' Kanner uschléissend aktiv bei der Zoubereedung vun engem Icetea hëllefen a léieren op dësem Wee d’ Hierkonft an den Asaz vun de Zutate, wéi och d' Vereenegung vun hire Sënner an engem leckere Gedrénks, kennen.
"Sënnesspiller & Icetea selwer hierstellen" Samschdeg den 4. Mee a Sonndeg, den 5. Mee 2024
10:30 – 11:00
11:15 – 11:45
12:00 – 12:30
13:30 – 14:00
14:15 – 14:45
15:00 – 15:30
15:45 – 16:15
16:30 – 17:00
17:15 – 17:45
Indiana Jos
Dësen Atelier bitt de Kanner eng spannend Aféierung an d'Welt vun der Informatik. Hei léieren d'Kanner an engem interaktive Workshop d'Grondlag vun der Programméierung duerch eng altersgerecht Software kennen, wéi Scratch, eng visuell Programméiersprooch, déi et erlaabt, eege Geschichten, Spiller an Animatiounen ze kreéieren. De Workshop fuerdert kreatiivt Denken, systematesch Probleemer ze léisen an d'Fäegkeet zur Teamaarbecht. Erfueren Educatricen an Educateure leeden d'Kanner un, eege Projete vun der Iddi bis zur Ëmsetzung ze entwéckelen, woubäi de Spaass um Entdecken a Léieren am Vierdergrond steet. Keng Virkenntnesser sinn noutwendeg. D'Sécherheet an eng positiv Léier-Ëmgéigend si garantéiert, fir d'Digitalkompetenz vun de Kanner op eng spilleresch Manéier ze fuerdere.
Auerzäiten vum Indiana Jos Atelier "Programméieren", Samschdeg den 4. Mee a Sonndeg, den 5. Mee 2024
10:30 – 11:00
11:30 – 12:00
12:30 – 13:00
13:30 – 14:00
14:30 – 15:00
15:30 – 16:00
16:30 – 17:00
17:30 – 18:00
Méi Beweege mat Begeeschterung
An dësem Atelier gi verschidde motoresch Fäegkeeten op eng spilleresch a motivéierend Aart gefuerdert. Mat Hëllef vu Liichtsensoren, déi an ënnerschiddleche Faarwe blénken, kënnen d'Kanner hir Reaktiounsschnellegkeet ënner Beweis stellen. Bei de Spiller mat Alldagsmaterialien gëtt d'Fantasie an d'Kreativitéit vun de Kanner ugereegt. Duerch verschidde Ballspiller, inspiréiert vum Fussball, gëtt de Kanner hier Koordinatioun gestäerkt. Beim Danze steet d'Rhythmusfäegkeet am Fokus. Hei kennen d'Kanner hier Kreativitéit op musikalesch Manéier ausdrécken. Duerch dës ëmfaassend Beweegungsméiglechkeeten, kënnen d'Kanner duerch engagéiert Sportskoordinatoren an enger motivéierender Atmosphär, Spaass un der Beweegung erliewen.
BlazePods Atelier : Auerzäiten fir de Samschdeg 4. Mee
10:30 – 11:00
11:30 – 12:00
12:30 – 13:00
13:30 – 14:00
Atelier "Spiller mat Alldagsmaterialien" : Auerzäiten fir de Samschdeg 4. Mee
14:30 – 15:00
15:30 – 16:00
16:30 – 17:00
17:30 – 18:00
Atelier "Ballspiller inspiréiert vum Fussball" : Auerzäiten fir de Sonndeg 5. Mee
10:30 – 11:00
11:30 – 12:00
12:30 – 13:00
13:30 – 14:00
Danzatelier: Auerzäiten fir de Sonndeg 5. Mee
14:30 – 15:00
15:30 – 16:00
16:30 – 17:00
17:30 – 18:00
2 workshops
Mat de Sënner erfuerschen
Mir proposéieren en Entdeckungsparcours an engem zouene Raum, fir eis Sënner op eng aner Manéier ze erfaassen. D’Kanner hunn entweeder d’Ae verbonnen oder droen e Simulatiounsbrëll, fir dëse Parcours voller Iwwerraschungen ze erfuerschen a festzestellen, datt mir eis eise Sënner net ëmmer voll bewosst sinn.
Wäerter, Participatioun & DemokratieInclusioun a Participatioun
Pedagogesch Workshoppe wou d'Kanner e Simulatiounsbrëll droen, fir dëse Parcours voller Iwwerraschungen ze erfuerschen a festzestellen, datt mir eis eise Sënner net ëmmer voll bewosst sinn.
5 workshops
Astronomie mat LEGO®
Dësen Atelier zum Thema Astronomie gëtt de Kanner d’ Méiglechkeet hirer Fantasie freie Laf ze loossen, andeems si no hirem Niveau, wéi si Loscht hunn, a gemeinsam mat hiren Elteren een Projet kreéieren oder e Projet no engem Plang erstellen.
Ab 3 Joer.
Innovativen Workshop "Musik a Sproochen"
An dësem Workshop ginn jee no Alter vun de Kanner, zwou Aktivitéiten ugebueden. Fir déi ganz kleng : spilleresch a musikalesch déi englesch Sprooch entdecken. Fir déi méi grouss Kanner gëtt een neien Atelier ugebueden wou si hir eege Melodie komponéieren kënnen an soumadder de "Coding" léieren.
Fir Puppelcher a kleng Kanner gëtt de Workshop "Sproochen mat Musek" proposéiert.
Fir Kanner ab engem Joer gëtt de Workshop "Musikalesch Gestaltung" ugebueden.
"Vëlo fueren fir d'Konzentratioun ze stäerken"
An dësem innovativen Workshop kënnen d’Kanner eng kënschtleresch Aktivitéit an der Beweegung duerchféieren. Sie brauchen just um Vëlo op d’ Pedall ze drécken. D’Elteren kënnen och un dëser Aktivitéit deelhuelen.
Ab 3 Joer
D'Bei a seng Heelkräften
Dësen Atelier gëtt de Kanner d’ Méiglechkeet den Impakt vun der Bei op d’ Ëmwelt, an den Hunneg mat sengen Heelkräften ze entdecken. E puer kreativ Atelieren ginn ronderëm d’ Thema vun der Bei an der Degustatioun vum Hunneg organiséiert. D’ Kanner kënnen hir eegen Kreatioune mat Heem huelen!
Ab engem Joer.
Snoezelen Atelier "D'Stären beobachten"
An dësem Atelier kënnen d’ Kanner d’ Geheimnisser vum Universum entdecken, andeems si an d’ Däischtert andauchen an all d’ Detailer vun enger schéiner Nuecht mat ville Stären beobachten kënnen. E flotte Moment wou d’ Kanner an hir Elteren sech kënnen entspanen.
Fir Puppelcher a kleng Kanner
D’Natur mat eise Sënner erliewen an entdecken
Vun a mat der Natur léieren. An eisem Workshop kënnen d’Kanner an hir Elteren d’Welt vum Buedem mat all deem Gudden, wat en ervirbréngt, entdecken. Richen, fillen, upaken, léiere, wéi ee Som planzt, Gaardegeräter benotzen, Planze fleegen ... D’Kanner wäerte vill Neies entdecken!
Si kréie Som a Buedem zur Verfügung gestallt an all Kand kann eppes an e personaliséiert Dëppe planzen.
D’Natur, eng Quell fir sënnlech a wëssenschaftlech Exploratioun
Wéi wär et, wa mir d’Wëssenschaften an d’Natur mat eise Sënner entdecken. Dës wëssenschaftlech Dëscher gi vun de Kanner selwer mat natierlechen a recycléierte Materialien gestaltet. Eis Jengst kënnen esou d’Welt vum Miir a vun der Äerd erfuerschen. Mir wäerte mat eise Sënner (taaschten, kucken, richen, lauschteren) ënnerschiddlech Materialien, Aspekter (fest, flësseg, mëll), Géigestänn an Elementer manipuléieren.
Këschte fir d’Sënner: Biotopen an Ëmschëdden
D’Fauna an d’Flora entdecken duerch d’Manipuléiere vun Objeten an Texturen! D’Këschte fir d’Sënner sinn en herrlecht Geschiir fir ze léieren; di jonk Kanner kënnen hei hir sensoresch Kapazitéiten an hir Feinmotorik entwéckelen. Mat natierlechen Elementer, déi d’Kanner op Spazéiertir gesammelt hunn, Biotope schafen, sensibiliséiert d’Kanner fir d’Ecosystemer vun eisem Planéit zu schützen.
Maach deng eege Welt - Erziel deng Geschichten
Eise Workshop soll d’ Kanner dozou ureegen, hir eege Welt / Universum selwer ze erschafen. De Stand luet d’ Kanner dozou, unhand vun sëllegen abstrakten Materialien, déi hinnen zur Verfügung gestallt ginn, hir eegen kleng Welt ze gestalten. D’ Erwuessenen vertrauen den Kanner dat se gewëssenhaft bauen. Sie loossen de Kanner d’ Fräiheet, sech frei ze entfalen an bidden hir Hëllef nëmmen un, wann et néideg ass. D’ Erwuessene respektéieren d’ Iddien vun de Kanner an dokumentéieren se.
5 workshops
"Fundus"
Virum Minibus gëtt eng Zort "Fundus" installéiert, mat ville Kleedungsstécker an Accessoirë fir sech ze verkleeden, ee Paravent an een onzerbriechleche Spigel. D’ Kanner kënnen sich verkleeden, aneschters undoen a schéi maachen, éier si an de Minibus klammen fir sech fotograféieren ze loossen. Déi schwaarz-wäiss Fotoen ginn op Mol Pabeier gedréckt, an all Kand verléisst de Minibus mat senger Foto. Duerno kann et déi geléinte Kleeder ausdoen , éier et an de nächsten Atelier geet.
Kreativitéit, Konscht & Ästheetik Sprooch, Kommunikatioun a MedienEch personaliséiere mäi Buch
An dësem Atelier kënnen d’ Kanner hir Foto bemolen an se op déi éischt Säit vum Buch “D’ Aventure vum klenge Rosch”, “Dest Buch gehéiert dem ... “ kliewen. Oder, wann se dat léiwer hunn, kënne si eng Rumm fir d’ Foto aus recycléierten Naturmaterialien bastelen.
Wann d’Buch gedréckt gëtt, sinn zousätzlech Säiten virgesinn fir dass d’Kanner hir Aventure kënne weiderféieren.
Meng Maus
D’Kanner bastelen aus recycléierten oder natierlechen Materialien hir eege Rosch-Maus.
Spill : D’ Aventure vun der Maus Rosch
An dësem Spill ginn d’ Kanner vun engem Atelier an deen aneren, andeems si de Spueren vun der Maus Rosch noginn. Bei dësem Spill gi grouss flaach Këschten mat verschidden Materialien gefëllt, wéi z.B. Stréi an deem d’ Kanner kënne Steng sichen, oder eng Këscht mat grousse Steng, op deenen se kënnen trëppelen.
D’ Buch entdecken an erliewen
D’ Kanner déi an eise Bildungs- a Betreiungsstrukturen ageschriwwe sinn, sinn am gaangen eng Geschicht, déi am Mëttelpunkt vun eisem Stand steet, ze erfannen an ze gestalten. An der Mëtt vun eisem Zelt steet e Bësch Kannapee aus Papiermâché. D’ Kanner kënnen sech do treffen, d’ Geschicht entdecken an se mat verschiddene Materialien gestallten.
Aus dëser Geschicht, déi d’ Kanner kënne verdéiwen, wäerten sech aner Aktivitéiten erginn.
Déijéineg Aktivitéiten déi an engem nohaltegem Prozess entwéckelt ginn, sinn nach net ganz definéiert, well d’ Geschicht nach net ofgeschloss ass. Ausser der Faarf an dem Pesch, déi nëmme wa noutwendeg benotzt ginn, wäerte mir näischt aneschters kafen, a nëmmen Materialien verwenden déi mir gesammelt hunn, wéi z.B. Toilettëpabeier, Dännenzappen, Stréi an Éer Kartronge ...
Am Minibus gëtt en relaxen Eck installéiert wou d’ Kanner sech kënnen hisetzen fir ze liesen an aner Bicher ze entdecken.
D’ Elteren sinn häerzlech invitéiert un allen Aktivitéiten deelzehuelen.
Fir den Elteren ze weisen wéi wichteg d’ Spillen fir d’ Kanner ass, wäerte mir Banderollen iwwert d’ Spillen an iwwert d’ Bedeitung vum Spill maachen. Wéi kann een d’ Spill beim Kand ënnerstëtzen? Dozou wäerte mir Informatiounen ginn.
6 workshops
Snoezelen, en Atelier fir all Sënner
An dësem Atelier hunn d’ Elteren an d’ Kanner d’ Méiglechkeet hir Sënner ze erwächen.
Am Zelt dat fir d’ Snoezelen opgeriicht gëtt, ka jiddereen lassloossen a seng Sënner op eng aner Manéier erfaassen.
Verschidden Dicher, mat ënnerschiddleche Faarwen a Konsistenzen, ee Set fir Massage, Bäll, Fläschen déi d’ Sënner fuerderen, a vill aner Saachen ginn zu Verfügung gestallt. “Blanne” Këschten fannt dir och do fir är Senner ze schäerfen.
Empathie Poppen, déi een oft an dëse Raimlechkeete fënnt, ginn och zu Verfügung gestallt.
Fir Kanner vu 0 bis 12
Workshop fir zesummen ze bauen
Elteren an hir Kanner ginn dozou encouragéiert, gemeinsam Defien unzegoen :
Kaplas = Baut den héchsten Tuerm an 30 Sekonnen.
Polydrons = e Model vun engem Haus esou schnell wie méiglech nobauen.
Soubal d’Kand matmaache wëll, oder ab 2 Joer
Kreativen Atelier
Hei geet et drëm senger Kreativitéit fräie Laf ze loossen. Ee kreativen Dësch op deem dir verschidden Elementer fannt, gëtt iech zu Verfügung gestalt :
Bastelmaterial, Elementer aus der Natur, ee Spigel an eng Consigne "Stell deng Mam, däi Pap, deng Bom oder däi Bop duer”
ab 2/3 Joer
Atelier iwwert d’Kommunikatioun
D’ Kand schreift e Wuert op eng Tafel, a senger Familiesprooch, an dann, mam Fanger, op de Réck vun sengen Elteren. D’Elteren mussen dann d’Wuert erëm erkennen an dat Wuert op d’Tafel schreiwen.
Als Alternativ fir kleng Kanner : een einfacht Bild op d’Tafel molen an et da mam Fanger op de Réck vun den Eltere molen. D’Elteren mussen d’Bild erëm erkennen an dann d’Wuert op d’Tafel schreiwen.
Soubal d’ Kand een oder méi Wieder schreiwe kann oder mole kann.
Atelier fir d’ Beweegung ze fërderen
Ee psychomotoreschen Parcours mat engem Läffel an engem Ball.
Den Elterendeel an d’ Kanner spillen géint eneen un an hunn hiren eegenen Parcours.
Deejéinegen dee mam Ball um Läffel am schnellsten d’ Zil erreecht, huet gewonnen.
Soubal d’ Kand lafe kann.
Ofstëmmungskëschten
Nodeems d’ Elteren an d’ Kanner iwwert de Stand gaange sinn, ginn se gefrot wéi een Atelier hinnen am beschte gefall huet. A dann ginn se wielen.
1 Box fir d’ Elteren -> 1 Chip ageheien
1 Box fir d’ Kanner -> 1 Chip ageheien
Een ëmweltfrëndlecht Haus
Een Haus, dat mat recycléierten Materialien op d’ Mooss vun de Kanner gebaut ginn ass, wou d’ Kanner hir Elteren kënnen alueden fir e gemittleche Moment mat hinnen ze verbréngen. Eng schéi Plaz wou een sech an der Stuff kann entspanen oder ee convivialen Moment an der Kichen ka verbréngen.
Fir Kanner ab 18 Méint
D'Spill vum risege Wollef
Ee kooperatiivt Spill zum Thema " Spadséiergang am Bësch" an enger iwwerdimensionaler Versioun. Eent ganzt einfach a geselleg Spill wou d’ Kanner mat hiren Elteren zesummen versichen géint de Wollef ze gewannen. Schnell, schnell! Dir musst alles asammelen éier de Wollef ganz ugedoen ass, well wann dat net de Fall ass ... frësst hien iech!
Ab 2 Joer
Mir froen d’Kanner “Wat brauchs du fir frou ze sinn?”
Am Kader vum Kannerfestival organiséiert d’UP_FOUNDATION ee kreativen a philosopheschen Atelier fir Kanner zum Theema Gléck an Zefriddenheet. Den Atelier riicht sech u Kanner vun 4-12 Joer.
D’Kanner kënnen hei dank eisem “Wäisheetsbam”op d’Fro äntwerten “Wat brauchs du fir frou ze sinn?”. Si kennen fräi hier Besoinen, Gedanken, Hobbyen a Liblingsbeschäftegungen matdeelen, se mat eis beschwätzen a kreativ ausdrécken.
Kommt op eise Stand an deelt eis är Wënsch a Besoinen mat. Mir freeën eis op Iech !
1, 2, 3 – Komm mir molen d’ Villfalt!
An dësem oppene Workshop ginn d’ Kanner an hir Elteren spilleresch dozou agelueden d’ Diversitéit ze molen, andeems si verschidden Consignë befollegen. D’ Resultater an engem gemeinsamen Austausch reflektéiert. Ee Lies Eck gëtt et och op eisem Stand.
Upcycling mat ënnerschiddlechem Material an Experimenter
Upcycling mat ënnerschiddlechem Material an Experimenter
Insgesamt steet eise Stand ënnert dem Thema UP Cycling.
Handlungsfelder: 1) Naturwëssenschaft an Technik, an 2) Wäert, Participatioun an Demokratie, 3)
Ästheetik, Kreativitéit a Konscht solle verstäerkt opgegraff ginn.
SEAS Lintgen :
Dësen Atelier zum Thema Upcycling riicht sech un d’ Famillen déi hei experimentéieren kennen. D’ Elteren sollen natierlech mat hire Kanner d’ Aktivitéiten zesumme maachen.
Am Virfeld ginn déi verschidden Materialien mat Elteren an aneren Partneren (Gemengen, Betriber asw.) an den Haiser gesammelt zesumme gesammelt, a wärend dem Kannerfestival nei verschafft.
Fir Kanner vu 6 bis 10 Joer
Experimenter & Upcycling fir Kanner vu 0 bis 4 Joer
SEAJ (Service d’éducation et d’accueil pour jeunes enfants) Kannervilla Bertrange & SEAJ Stadtbredimus :
Een Insektenhotel bastelen
Eng Lavaluucht mat PET Fläschen
Eng Vase aus Gummisstiwwelen bastelen
Fir Kanner vu 0 bis 4 Joer
Ausstellung an eng selwergemaachte Kiermes ausprobéieren
SEAS (Service d’éducation et d’accueil pour enfants scolarisés) Reckange-sur-Mess:
An dësem SEAS ass mat de Kanner, aus ganz verschiddene Materialien, eng eege Kiermes geplangt a gebaut ginn.
Si besteet ënner anerem aus : engem Stand fir Inten ze fëschen, fir mam Bou ze schéissen, ee Mini Golf, ee Plinko, an e Wickinger Schachspill.
Verschidden Aktivitéiten vun eiser Kiermes ginn den Familljen zu Verfügung gestallt an d’Spiller ginn ausprobéiert.
Dës Aktivitéiten gi mat “Wänn déi schwätzen” a Fotodokumentatiounen ergänzt.
Fir Kanner vu 4 bis 12 Joer
Dësch Kicker an Urban Gardening
SEAS Medernach :
Hei soll d'Thema vun der Europameeschterschaft, déi am Juni an Däitschland stattfënnt, opgegraff ginn. D’ Familljen wäerten hei ee Kicker fir op den Dësch mat Schongkëschten bastelen.
Als Alternativ kënnen d’Kanner mat hiren Elteren Gewiewegkeetsspiller bastelen.
An engem aneren Atelier soll Urban Gardening stattfannen. Hei gi grouss a kleng Hochbeeter gebaut.
Déi kleng kënnen doheem vun de Familljen benotzt ginn. Déi grouss Hochbeeter sollen an de Gemengen virun d’SEA opgestallt ginn a nohalteg genotzt ginn.
Fir Kanner vu 4 bis 12 Joer
Hariko organiséiert ee kreativen Atelier an eng Ausstellung
D'Thema vum Up Cycling stung am Joer 2023 bei Hariko am Vierdergrond. Zu dësem Thema wäert op eisem Stand eng kleng Ausstellung stattfannen. Ee Kënschtler organiséiert de Samschden am Nometten een Atelier fir d’Kanner an hir Elteren.
Dësen Atelier ass virun allem fir Kanner a Jugendlecher ab 10 Joer geduecht
Pedalléiert, mixt a genéisst äre Smoothie
Dir gesitt wéi d’ Uebst sech vermëscht wann dir mam grénge Vëlo "fuert".