Vum 17. bis den 23. Mee 2025 kënnen d’Elteren den Alldag vun hire Kanner an de Bildungs- a Betreiungsstruktur erliewen an un Atelieren zu verschiddenen Themen a “portes ouvertes” deelhuelen déi wärend der ganzer Woch an de Crèchen, Maison-relaisen, Foyeren, Minicrèchën, an vun den Dageselteren organiséiert ginn.

Verschidden Aktivitéiten adresséieren sech un zukünfteg Elteren, fir datt si sech mat der Léieraart, wéi déi non formal Bildung se erméiglecht, kënne familiariséieren an esou gesinn, wéi hei d’Individualitéit vun all Kand berücksichtegt an zu senger globaler Entwécklung bäigedroe gëtt.